INFO

 

Du wëlls dech ameséieren an och nach eppes dobäi léieren ?

Hei zu Lëtzebuerg an och am Ausland ?

Dann ass de Panda Club genee dat richtegt fir dech!

 

De Panda - Club vum 'natur musée' bitt supercool Natur- a Fräizäitaktivitéite fir jonk Leit an den Altersgruppen 6-8 an 9-10 Joer un. (eisen aktuelle Programm)

Wéini sinn eis Aktivitéiten?

• an der Schoulzäit: Dënschdes an Donneschdes Nomëttes
• an der Vakanz :all Dag, Weekend an Auslandsreesen

Eis Publikatiounen:

D'Panda-Club Membere kréie gratis déi hei Publikatioune geschéckt:

• 6 x am Joer de Panda-News (de geneeë Programm vun allen Aktivitéiten);
• 4 x am Joer de Panewippchen (déi flott Zeitung vum Panda-Club).

Wat gëtt gebueden?

• Déieren a Planze kenneléieren;
• Mat der Lupp oder Nuetssiichtgerät duerch Wisen, Weieren, Hielen;
• Ausflig an d'Natur op Mountainbike, Katamaran, Segelboot, Biergschong, Päerd;
• Praktesch Aarbechten um Terrain: Beem planzen, Steng klappen, Weier uleeën;
• Schaffe mat der Lupp oder dem Mikroskop;
• e Champignon, e Schlappendéierchen, e Mineral, eng Waasserdrëps vu ganz no kucken;
• zeechnen, bastelen, bestëmmen;
• am Leem oder am Deeg triwwelen, Viz maachen...
• Naturspiller, Rallyen an Naturfilmer
• Allerhand Reesen: Camps Nature, Auslandsreesen, Naturschutzgebidder, Zoo a Parken

Wou sinn eis Aktivitéiten?

Eis Aktivitéite sinn am

• "natur musée"
• "Musée Bus"
• "Galileo Science Mobil"

Ze aal fir an de Panda Club ?

Bass de ze aal fir d'Aktivitéite vum Panda-Club (méi aal wéi 10 Joer), da kuck dir mol d'Aktivitéite vum Science Club un. De Science Club bidd flott Fräizäitaktivitéiten u fir Jonker tëschend 11 an 18 Joer.